+251 11371 2982 aacracom@gmail.com

የሰራተኞችን የመፈፀም አቅም ለማሳደግ በየጊዜው የሚሰጡ ሙያዊ ስልጠናዎች ሚናቸው የጎላ ነው ተባለ

አዲስ አበባ፣ ጥቅምት 16 ቀን 2014 ዓ.ም፡- የአዲስ አበባ ከተማ መንገዶች ባለሰልጣን በየደረጃው ለሚገኙ ሠራተኞች ተከታታይነት ባለው መልኩ እየሰጣቸው የሚገኙ ሙያዊ ስልጠናዎች የሰራተኞችን የመፈፀም አቅም ለማሳደግ ጉልህ ሚና አላቸው ተባለ፡፡

ይህ የተገለፀው በዛሬው ዕለት በባለስልጣን መስሪያ ቤቱ በፅህፈት ስራ ላይ ለተሰማሩ ሠራተኞች የአድቫንስድ ኮምፒውተር እና የኦፊስ ማሽን ስልጠና ማስጀመሪያ መርሀ ግብር ላይ ነው፡፡

ስልጠናውን ያስጀመሩት የባለስልጣኑ የሰው ሀብት ልማትና ሥራ አፈፃፀም ማኔጅመንት ቡድን መሪ አቶ መስፍን ከበረ በባለስልጣን መስሪያ ቤቱ በፀሀፊነት ስራ ላይ የተሰማሩ 37 ሴት ሠራተኞች በተግባር የተደገፈ የአድቫንስድ ኮምፒውተር እና የኦፊስ ማሽን ስልጠናዎች ከዛሬ ጀምሮ ለ 3 ተከታታይ ቀናት በሁለት ዙር እንደሚሰጡ ገልፀዋል፡፡

ስልጠናው ሰራተኞች አሁን ላይ ያለባቸውን የክህሎት ችግር ከመቅረፉም ባሻገር በቀጣይ ተወዳዳሪና የስራ ብቃታቸውን አጎልብተው በተሰማሩበት የስራ መስክ ላይ ውጤታማ ለመሆን ያግዛቸዋል ሲሉ አቶ መስፍን ጨምረው ገልፀዋል፡፡

Comments are closed.